حنفی دارالافتا۶

📜 نوٹس دارالافتاء گلزارِ طیبہ بنام: جناب خیر محمد القادری صاحب السلام علیکم ورحمۃ اللہ وبرکاتہ امید ہے کہ آپ خیریت سے ہوں گے۔ یہ بات بارہا آپ کی خدمت میں عرض کی جا چکی ہے کہ فتویٰ نویسی ایک نہایت نازک، حساس اور ذمہ داری والا منصب ہے۔ مفتی دراصل شریعتِ مطہرہ کی ترجمانی کرتا ہے، اس لیے بغیر گہرے مطالعہ، مکمل تحقیق اور معتبر کتبِ فقہ کی مراجعت کے فتویٰ تحریر کرنا انتہائی خطرناک امر ہے۔ افسوس کے ساتھ کہنا پڑتا ہے کہ مسلسل تنبیہ اور رہنمائی کے باوجود آپ کی جانب سے بار بار علمی غلطیاں سامنے آرہی ہیں۔ خصوصاً کل رضاعت کے متعلق جو فتویٰ تحریر کیا گیا وہ بالکل غلط تھا، جس سے واضح طور پر محسوس ہوتا ہے کہ آپ کو ابھی مزید علمی تربیت، فقہی بصیرت اور سنجیدہ مطالعہ کی سخت ضرورت ہے۔ لہٰذا آج سے آپ کو یہ ہدایت دی جاتی ہے کہ: بہارِ شریعت (کتاب العقائد تا کتاب الطلاق)، فتاویٰ رضویہ، فتاویٰ عالمگیری، فتاویٰ شامی اور ہدایہ کا باقاعدہ مطالعہ کریں اور انہی کتب کو اپنے پیشِ نظر رکھیں۔ صرف سرسری مطالعہ کافی نہیں بلکہ مسائل کی تہہ تک پہنچنے کی کوشش ضروری ہے، کیونکہ ایک غلط فتویٰ کسی کی عبادت، نکاح، طلاق اور زند...